शिक्षा सेवा आयोगको परिक्षा तयारी पुरा ।।

राजेश जीसी,प्यूठान आशिवन १०
अस्थायी शिक्षकहरुका लागी शिक्षा सेवा आयोगले असोज ११ गतेदेखि १३ गतेसम्म लिने परिक्षा तयारी पुरा भएको शिक्षा विकास तथा समन्वय इकाई समिती प्यूठानले जनाएको छ । परिक्षा सञ्चालनका लागी आबश्यक सबै काम सकिएको शिक्षा विकास तथा समन्वय इकाई समिती प्यूठानका प्रमुख शिवराज पण्डितले बताए । उनले भने,‘शिक्षा सेवा आयोगको परिक्षाको लागी आवशयक सबै काम पुरा गरेका छौँ ।’
भोली असोज ११ गते माध्यमिक तह,१२ गते नि मा वि तह र अन्तिम दिन असोज १३ गते प्राथमिक तहको परिक्षा हुनेछ । परिक्षाका लागी प्यूठान जिल्लामा ११ वटा केन्द्र तोकिएको छ भने प्यूठान जिल्लाका विभिन्न परिक्षा केन्द्रबाट करिव २ हजार ३ सय ५७ जना परिक्षार्थीहरुले परिक्षा दिने प्रमुख शिवराज पण्डितले जानकारी दिए ।