काठमाडौं । नेपाल भ्रमणमा रहेका भारतीय विदेशमन्त्री एस जयशंकरले आज(बिहीवार) उच्च स्तरीय भेटवार्ता गनुभएको छ ।
नेपाल–भारत संयुक्त आयोगको बैठकमा सहभागी हुन हिजो नेपाल आउनुभएका मन्त्री जयशंकरले आज राष्ट्रपति विद्यादेवी भण्डारी, प्रमुख प्रतिपक्ष दल नेपाली कांग्रेसका सभापति तथा पूर्वप्रधानमन्त्री शेरबहादुर देउवासँग भेटवार्ता गर्नु भएको छ ।
मन्त्री जयशंकरले राष्ट्रपति भण्डारीसँग बिहान सितलनिवासमा र देउवासँग बुढानिल्कण्ढस्थित देउवाकै निवासमा आज भेटवार्ता भएको गर्नुभएको हो ।
भेटमा द्विपक्षीय हितलगायत विषयमा छलफल भएको बताइएको छ । उहाँले प्रधानमन्त्री केपी शर्मा ओलीसँग हिजानै भेटवार्ता गर्नुभएको थियो । मन्त्री जयशंकर आज नै भारत फर्किने कार्यक्रम तय भएको छ ।
